ივანე ჯავახიშვილის სახელობის თბილისის სახელმწიფო უნივერსიტეტს ჩინეთის ეროვნული სამეცნიერო ფონდის დელეგაცია ეწვია. ვიზიტის მიზანს წარმოადგენდა მეცნიერებისა და ტექნოლოგიების სფეროში საერთაშორისო თანამშრომლობის გაღრმავება აბრეშუმის გზის ქვეყნებში; თანამშრომლობა ერთობლივი ფუნდამენტური კვლევების განვითარებისთვის; მულტიეროვნული კვლევითი სტრატეგიისა და სამოქმედო გეგმების შემუშავება; აკადემიური გაცვლითი პროგრამების შექმნა და მეცნიერთა მობილობის ხელშეწყობა.