2014 წლის
3-5 ოქტომბერს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ბუღალტრული აღრიცხვისა და აუდიტის კათედრის 80 წლის იუბილესადმი მიძღვნილი საერთაშორისო სამეცნიერო-პრაქტიკული კონფერენცია
„თანამედროვე ბიზნესი: სიახლეები, პრობლემები“ გაიმართება.
კონფერენციის საორგანიზაციო კომიტეტის თავმჯდომარეა ბუღალტრული აღრიცხვისა და აუდიტის კათედრის ხელმძღვანელი,
პროფესორი ელენე ხარაბაძე.
კონფერენციის მუშაობაში მონაწილეობას მიიღებს მრავალი საერთაშორისო და ადგილობრივი მეცნიერი, მოწვეული სტუმრები მსოფლიოს სხვადასხვა უნივერსიტეტებიდან.
კონფერენცია გაიხსნება პარასკევს,
3 ოქტომბერს, 11:00 საათზე,
მისამართი:
თსუ მაღლივი კორპუსის 206-ე აუდიტორია.
მისასალმებელი სიტყვა:
ელენე ხარაბაძე - საორგანიზაციო კომიტეტის თავმჯდომარე, პროფესორი;
ვლადიმერ პაპავა - ივანე ჯავახიშვილის სახელობის თბილისის სახელმწიფო უნივერსიტეტის რექტორი, აკადემიკოსი;
თეიმურაზ ბერიძე - ივანე ჯავახიშვილის სახელობის თბილისის სახელმწიფო უნივერსიტეტი, ეკონომიკისა და ბიზნესის ფაკულტეტის დეკანი, პროფესორი;
ნოდარ ხადური - ივანე ჯავახიშვილის სახელობის თბილისის სახელმწიფო უნივერსიტეტი, პროფესორი; საქართველოს ფინანსთა მინისტრი.
დავით ნარმანია - ივანე ჯავახიშვილის სახელობის თბილისის სახელმწიფო უნივერსიტეტი, პროფესორი, ქალაქ თბილისის მერი;
კონფერენციის გახსნის ოფიციალური ცერემონიის შემდეგ გაიმართება პლენარული სხდომა, სადაც წარმოდგენილი იქნება მოხსენებები.
4 ოქტომბერს მუშაობა გაიმართება სექციებში
გათვალისწინებულია სამი სექცია:
I სექცია: ფინანსური ანგარიშგების საერთაშორისო სტანდარტები – გამოწვევები და პრობლემები;
ბუღალტრული აღრიცხვის პრობლემები და პერსპექტივები სახელმწიფო სექტორში
სექციის ხელმძღვანელი: ნადეჟდა კვატაშიძე - ეკონომიკის აკადემიური დოქტორი, ასოცირებული პროფესორი;
II სექცია: ეკონომიკური ანალიზი და მენეჯერული გადაწყვეტილებები
სექციის ხელმძღვანელი: მერაბ ჯიქია - ეკონომიკის აკადემიური დოქტორი, ასოცირებული პროფესორი;
III სექცია: გადასახადები, ბიზნესის დაბეგვრის საკითხები, თანამედროვე აუდიტის პრობლემები
სექციის ხელმძღვანელი: მიხეილ ჩიკვილაძე - ეკონომიკის აკადემიური დოქტორი, ასოციებული პროფესორი;
კონფერენციის პროგრამა
