ივანე ჯავახიშვილის სახელობის თბილისის სახელმწიფო უნივერსიტეტის ამერიკისმცოდნეობის სტუდენტთა სამეცნიერო წრე, ამერიკისმცოდნეობის ინსტიტუტი და ამერიკის შესწავლის საქართველოს ასოციაცია 2016 წლის
22 აპრილს ატარებს ამერიკისმცოდნეობის მე-4 ყოველწლიურ სტუდენტურ სამეცნიერო კონფერენციას
“მრავალფეროვანი ამერიკა: კულტურათა გზაჯვარედინი“.
კონფერენციაში მონაწილეობა შეუძლია საქართველოში აკრედიტირებული უნივერსიტეტების საბაკალავრო, სამაგისტრო და სადოქტორო პროგრამების სტუდენტებს.
მოხსენებების თემატიკა უნდა შეესაბამებოდეს ჩრდილოეთ და სამხრეთ ამერიკის ქვეყნების ცხოვრების ნებისმიერ სფეროს. განსაკუთრებით მისასალბელი იქნება მოხსენებები იმ ეთნიკური, რასობრივი, სოციალური, ეკონომიკური, პოლიტიკური და რელიგიური კონტექსტების შესახებ, რომელმაც ჩრდილოეთ და სამხრეთ ამერიკის ისტორიის მანძილზე განსხვავებული კულტურები წარმოქმნა.
მოხსენებას შეიძლება ჰყავდეს მხოლოდ ერთი ავტორი.
მომხსენებელმა უნდა გამოაგზავნოს:
1. ანოტაცია ქართულ და ინგლისურ ენაზე (თითოეული 500-550 სიტყვა. ფაილს უნდა დაერქვას 1- მომხსენებლის გვარი, მაგ: 1- ხატიაშვილი);
2. მოხსენების სრული სათაური, ავტორის სახელი და გვარი, უნივერსიტეტი, სწავლის საფეხური, კურსი და საკონტაქტო ინფორმაცია ქართულ და ინგლისურ ენაზე (ფაილს უნდა დაერქვას 2 - მომხსენებლის გვარი);
3. სამეცნიერო ხელმძღვანელის მიერ ხელმოწერილი და დასკანირებული რეკომენდაცია სტატიაზე (ფაილს უნდა დაერქვას 3 - მომხსენებლის გვარი);
4. სამეცნიერო ხელმძღვანელის სახელი და გვარი, აკადემიური თანამდებობა, უნივერსიტეტი და საკონტაქტო ინფორმაცია ქართულად და ინგლისურად (ფაილს უნდა დაერქვას 4 - მომხსენებლის გვარი);
5. 2015-2016 სასწავლო წლის გაზაფხულის სემესტრის მონაცემებით უნივერსიტეტის მიერ გაცემული ცნობა სტუდენტის სტატუსის შესახებ (ფაილს უნდა დაერქვას 5 - მომხსენებლის გვარი);
მასალების გაფორმების სავალდებულო წესები:
· ქართული ტექსტისთვის ფონტი AcadNusx, ზომა 12, სტრიქონებს შორის დაშორება 1,5;
· ინგლისური ტექსტისათვის ფონტი Times New Roman, ზომა 12, სტრიქონებს შორის დაშორება 1,5;
· სავალდებულოა, რომ მასალების გამოგზავნისას ელექტრონული ფოსტის სათაურის ველში (Subject Line) ავტორმა მიუთითოს: კონფერენცია 2016 - გვარი. (მაგალითად: კონფერენცია 2016 - ხატიაშვილი);
მასალების გამოგზავნის ბოლო ვადაა 2016 წლის
14 მარტი, 18:00 საათი.
მასალები უნდა გამოიგზავნოს ელექტრონულ მისამართზე:
americanstudiesscience@gmail.com
გამოგზავნილ მასალებს შეარჩევს კონფერენციის საორგანიზაციო კომიტეტი. არასრული, დაგვიანებული ან არათემატური მასალები არ განიხილება. საკონფერენციოდ შერჩეული ანოტაციების ავტორებს პასუხი პირად ელექტრონულ ფოსტაზე ეცნობებათ 2016 წლის
16 მარტის 18 საათამდე. დადებითი პასუხის მიღების შემდეგ ავტორებმა უნდა გამოაგზავნონ მოხსენების სრული ტექსტი
(2000-3000 სიტყვა) 2016 წლის
30 მარტის 18:00 საათამდე.
მოხსენების სრული ტექსტი გადაეგზავნება დისკუსანტებს, რომლებიც თავიანთ მოსაზრებებსა და შეკითხვებს თითოეული სექციის მუშაობისას გამოთქვამენ.
საუკეთესო მოხსენებები შეირჩევა ელექტრონულ ჟურნალში გამოსაქვეყნებლად. მონაწილეებს გადაეცემათ კონფერენციაში მონაწილეობის დამადასტურებელი სერთიფიკატი.
თსუ ამერიკისმცოდნეობის სტუდენტებისათვის სავალდებულოა, რომ მათმა მოხსენებამ აპრობაცია გაიაროს ამერიკისმცოდნეობის სტუდენტთა სამეცნიერო წრეზე. ამერიკისმცოდნეობის სტუდენტთა სამეცნიერო წრის 2015-2016 წლის გაზაფხულის სასწავლო სემესტრის სამუშაო შეხვედრებზე რეგისტრაცია გრძელდება 2016 წლის
4 მარტის 18:00-მდე. მუშაობის განრიგი, გეგმა და სარეგისტრაციო ფორმა იხილეთ
ბმულზე.
დამატებითი ინფორმაციისათვის დაუკავშირდით კონფერენციის ორგანიზატორს, მარიამ ხატიაშვილს ელექტრონულ მისამართზე:
americanstudiesscience@gmail.com.
