გერმანელი მეწარმის დოქტორ კლაუს ჰიპის საჯარო ლექციები

ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე რეგულარულად ტარდება გერმანელი მეწარმის, საქართველოს დიდი მეგობრის, თბილისის სახელმწიფო უნივერსიტეტის საპატიო დოქტორის, ბატონ კლაუს ჰიპის გერმანულენოვანი საჯარო ლექციების ციკლი ეკონომიკისა და ბიზნესის აქტუალურ საკითხებზე.

ტრადიციისამებრ ბატონი კლაუს ჰიპი ყოველი სასწავლო წლის ბოლოს თვითონ შეარჩევს თსუ ეკონომიკისა და ბიზნესის ფაკულტეტის ორ სტუდენტს და დაპატიჟებს მოკლევადიან სასწავლო პრაქტიკაზე საკუთარ საწარმოში გერმანიის ქალაქ ინგოლშტატში.

2011–2012 სასწავლო წლის პირველი ლექცია გაიმართება
6 ოქტომბერს, ხუთშაბათს, 14:00 საათზე,
თსუ მაღლივი კორპუსის 206 აუდიტორიაში

ლექციის თემა: ღირსეულ ბიზნესმენთა წრე და მდგრადი განვითარება
(Ehrbares Kaufmannstum und Nachhaltigkeit)

ლექციაზე დასწრება შეუძლია ყველა მსურველს!
რეგისტრაცია იწარმოებს ადგილზე.