ივანე ჯავახიშვილის სახელობის თბილისის სახელმწიფო უნივერსიტეტის გენდერის კვლევების ინსტიტუტი გენდერის კვლევაში მეორე ყოველწლიურ სტუდენტურ კონფერენციას გამართავს. კონფერენციაში მონაწილეობის მიღება შეუძლიათ როგორც თსუ-ს ასევე სხვა უმაღლესი სასწავლებლების სტუდენტებს.
კონფერენცია გაიმართება ამა წლის
27 აპრილს.
კონფერენცია კვლევითი-სამეცნიერო ხასიათისაა. მისი მიზანია სტუდენტური კვლევის წახალისება და მხარდაჭერა და სტუდენტთა შორისგენდერის კვლევაში აკადემიური დისკუსიის ხელშეწყობა. წლევანდელი კონფერენციის ფარგლებში სტუდენტებს მიეცემათ შესაძლებლობა წარმოადგინონ თავიანთი ნაშრომები ქალთა უფლებებისა და გენდერული თანასწორობის თემებზე:
• გენდერული თანასწორობა და ქალთა მონაწილეობა პოლიტიკურ ცხოვრებაში
• გენდერული თანასწორობა და ქალთა ეკონომიკური უფლებები
• ქალთა სექსუალური და რეპროდუქციული ჯანმრთელობა და უფლებები
• ძალადობა ქალთა და გოგონათა მიმართ
• ქალთა უფლებებისთვის ბრძოლა საქართველოში და საზღვარგარეთ
• ქალთა წარმოჩენა მედიასა და კულტურაში
• საზოგადოებრივი აზრის კვლევა გენდერულ თანასწორობასა და ქალთა უფლებებზე
კონფერენციის თარიღი:
27 აპრილი 2016.
კონფერენციის ხანგრძლივობა:
11:00 -18:00 სთ.
კონფერენცია ჩატარდება:
თსუ -ს I კორპუსის #101.
კონფერენციის სამუშაო ენა: ქართული
