2012-08-16
წლის შემოდგომის სემესტრში (1 ოქტომბრიდან), სოციალურ მეცნიერებათა ცენტრში ჩატარდება კვლევის მეთოდების კურსების მოდული, რომელიც შეუძლიათ აიღონ თსუ-ს სოციალურ და პოლიტიკურ მეცნიერებათა ფაკულტეტის სადოქტორო პროგრამების სტუდენტებმა, აგრეთვე თსუ-ს სხვა ფაკულტეტების დოქტორანტებმა.
სტუდენტების რეგისტრაციის ბოლო ვადაა 20/09/2012.
რეგისტრაციისთვის დოქტორანტებმა ელ ფოსტით უნდა გამოაგზავნონ შევსებული
სარეგისტრაციო ფორმა შემდეგ მისამართზე tatia.mzhavanadze@tsu.ge
სტუდენტებმა სწავლის დაწყებამდე, 28/10/2012-მდე აგრეთვე უნდა წარმოადგინონ:
- სარეგისტრაციო ფორმის ამობეჭდილი და ხელმოწერილი ასლი
- დოქტორანტის სტატუსის დამადასტურებელი ცნობა დეკანატიდან
(შესაძლებელია დასკანირებულის გამოგზავნა ელ. ფოსტით)
- პირადობის მოწმობის ასლი (შესაძლებელია დასკანირებულის
გამოგზავნა ელ. ფოსტით)
შემოდგომის სემესტრში ჩატარდება კვლევის მეთოდების შემდეგი სასწავლო კურსები:
1) სოციალურ მეცნიერებათა ფილოსოფია (5 ECTS, 30 საკონტაქტო საათი); თამარ ცხადაძე, ოთხშაბათი,18:00 საათზე, VI კორპუსი, 103-ე აუდიტორია.
2) სოციალური კვლევის მეთოდები : რაოდენობრივი და თვისებრივი (5 ECTS, 30 საკონტაქტო საათი); თამარ ზურაბიშვილი, ოთხშაბათი,16:00 საათზე, VI კორპუსი, 103-ე აუდიტორია.
3) შესავალი გამოყენებით სტატისტიკაში SPSS-ის ელემენტებით (5 ECTS, 30 საკონტაქტო საათი); ლილი ხეჩუაშვილი, სამშაბათი, 18:30 საათზე, II კორპუსი, 336-ე ოთახი.
« იხ. ყველა სიახლე
