![](/data/image_db_innova/PR/14241585_10153757248802233_6038118864017161662_o.jpg)
ივანე ჯავახიშვილის სახელობის თბილისის სახელმწიფო უნივერსიტეტში ტემპუსის ერთობლივი პროექტის "DIMTEGU-მულტილინგვურ მასწავლებელთა მომზადების პროგრამების შექმნა და დანერგვა საქართველოსა და უკრაინის უნივერსიტეტებში" შემაჯამებელი ღონისძიება "მულტილინგვური განათლება-გამოწვევები და პერსპექტივები" გაიმართა. ღონისძიებას თსუ რექტორის მოვალეობის შემსრულებელი
დარეჯან თვალთვაძე, განათლებისა და მეცნიერების მინისტრის მოადგილე
გიორგი შარვაშიძე, საქართველოსა და უკრაინის უნივერსიტეტების, ტემპუსის პროექტის წარმომადგენლები, პროფესორები დასწრნენ.
თსუ რექტორის მოვალეობის შემსრულებლის
დარეჯან თვალთვაძის განცხადებით,
„პროექტი ითვალისწინებს საქართველოსა და უკრაინის უნივერსიტეტებში მულტილინგვური განათლების მასწავლებლების მომზადებისთვის სპეციალური საგანმამანთლებლო პროგრამების შექმნას. ეს არის ერთი საბაკალავრო პროგრამა, სამაგისტრო პროგრამა და მასწავლებელთა მომზადების ერთწლიანი პროგრამები. ეს გულისხმობს სილაბუსების მომზადებას, კურიკულუმის შემუშავებას, სასწავლო რესურსების მომზადებას, ძალიან მნიშვნელოვანი უცხოენოვანი სახელმძღვანელოების ქართულად და უკრაინულად თარგმნას, შესაბამისი აღჭურვილობის შეძენას და დამონტაჟებას იმ უნივერსიტეტებში, რომლებიც ამ კონსორციუმის წევრები იყვნენ.“
„ძალიან საინტერესო პარტნიორობა გამოვიდა უკრაინის ორ წამყვან უნივერსიტეტთან. ეს არის მრავალმხრივი პროექტი, რომელიც გულისხმობს სამაგისტრო და საბაკალავრო პროგრამების მომზადებას, მულტილინგვური მასწავლებლების მომზადების მხარდაჭერას. ძალიან ინტენსიური სამუშაო იყო, 3 წლის განმავლობაში მიმდინარეობდა მუშაობა და დღეს უკვე რეზულტატების განხილვაა. ბვერმა პროგრამამ უკვე გაიარა აკრედიტაცია და ეს ყოველივე დაგვეხმარება ჩვენს მასწავლებლებს მივცეთ შანსი იმისა, რომ მიიღონ განათლება და მოემზადონ როგორც ამ ასპეციფიკის მასწავლებლები,“-აღნიშნა განათლებისა და მეცნიერების მინისტრის მოადგილემ
გიორგი შარვაშიძემ.
თსუ ასოცირებული პროფესორის
კახა გაბუნიას ინფორმაციით,
„უმცერესობათა ინტეგრაციის პრობლემა ძალიან მწვავედ დგას განათლების სისტემის წინაშე. ამ პროექტის ძირითადი იდეა სწორედ ინტეგრაციის პროცესი იყო. ეს იყო არა მხოლოდ ენობრივი ინტეგრაცია ქართულ საგანანმათლებლო სივრცეში, არამედ ინტერნაციონალური ინტეგრაცია. გარდა იმ პროგრამებისა, რომელიც ამ პროექტის ფარგლებში შეიქმნა, შეიქმნა ინტერნეტ რესურსები, რომელიც ხელმისაწვდომია ნებისმიერი სტუდენტისათვის. ასევე, ითარგმნა რამდენიმე ძალიან მნიშვნელოვანი წიგნი, რომელიც სწორედ ბილინგვურ განათლებას და მეორე ენის სწავლებას ეხება, დაარსდა ელექტრონული ჟურნალი მულტილინგვური განათლებისათვის.“
კონსორციუმში საქართველოდან მონაწილეობდა თბილიისის სახელმწიფო უნივერსიტეტი, ილიას სახელმწიფო უნივერსიტეტი, სამცხე-ჯავახეთის უნივერსიტეტი, ხოლო უკრაინიდან ლვოვის უნივერსიტეტი და დნეპროპეტროვსკის უნივესიტეტი, ასევე, ერთი არასამთავრობო ორგანიზაცია, რომელიც ეთნიკური უმცირესობის სამოქალაქო ინტეგრაციის საკითხებზე მუშაობს.