გისენის (გერმანია) უნივერსიტეტის სტიპენდიები თსუ ბაკალავრიატის III, IV, V სემესტრის სტუდენტებისთვის (2012/2013)

თსუ საგარეო ურთიერთობათა დეპარტამენტი აცხადებს კონკურსს 2012/2013 სასწავლო წლის შემოდგომის სემესტრისთვის გისენის უნივერსიტეტში ერთსემესტრიანი სასწავლო სტიპენდიის მოსაპოვებლად. კონკურსში მონაწილეობის მიღება შეუძლიათ თსუ იურიდიული, ეკონომიკისა და ბიზნესის და ზუსტ და საბუნებისმეტყველო მეცნიერებათა ფაკულტეტის გეოგრაფია–გეოლოგიის მიმართულების ბაკალავრიატის  III, IV, V  სემესტრის სტუდენტებს.
 
კონკურსში მონაწილეობის მსურველებმა უნდა წარმოადგინონ:

• ელექტრონულად შევსებული ფორმულარი (2 ეგზემპლარი)
• ერთი რეკომენდაცია ქართულ და გერმანულ ენაზე (ნოტარიული დამოწმება არ არის საჭირო)
• ნიშნების ამონაწერი ფაკულტეტის დეკანატიდან ქართულ ენაზე
• გერმანული ენის ცოდნის დამადასტურებელი მოწმობის ასლი (არსებობის შემთხვევაში)
• ბაკალავრიატში სწავლის დამადასტურებელი ცნობა ფაკულტეტის დეკანატიდან (ქართულ ენაზე)
• ინფორმაცია მიმღებ უნივერსიტეტში შესაბამისი სასწავლო მიმართულების არსებობის შესახებ (www.uni-giessen.de)
• ორი ფერადი ფოტო–სურათი ზომით 3/4  (გთხოვთ, დააკრათ ფორმულარებს)
• პასპორტის ასლი

 
დამატებითი ინფორმაციის მისაღებად და საბუთების ჩასაბარებლად მიმართეთ ირინა გამყრელიძეს საგარეო ურთიერთობათა დეპარტამენტში (თსუ მეორე კორპუსი, მეორე სართული, ოთახი 237).



შენიშვნა:                     დაგვიანებული ან/და არასრული განაცხადები არ მიიღება!