ბეჭდვა |/ დახურვა |
ვაკანსია დამამთავრებელი კურსის სტუდენტებისთვის და კურსდამთავრებულებისთვის (განსაკუთრებით ვინც წარმოშობით ფოთიდან არის).
სს“საქართველოს ბანკის“ კორპორატიული საბანკო მომსახურების დეპარტამენტი აცხადებს ვაკანსიას ასოცირებული კორპორატიული ბანკირის თანამდებობაზე ფოთში.
პოზიციის მიზანი:
კორპორატიული კლიენტების პორტფელის განვითარება: ახალი კლიენტების მოზიდვა, საჭიროებების დადგენა და სრული სერვისის შეთავაზება, არსებული კლიენტების მომსახურება ნებისმიერი ტიპის შეფერხების მოგვარება და კოორდინირება. კლიენტის მხრიდან სასესხო პროდუქტის მოთხოვნის შემთხვევაში გადამისამართება შესაბამის სტრუქტურულ ერთეულებთან.
ძირითადი ფუნქცია/მოვალეობები:
• კორპორატიული კლიენტების მომსახურების გაწევა;
• საქართველოს ბანკის ჯგუფში არსებული საბანკო და არასაბანკო პროდუქტების გაყიდვა;
• არსებულ და პოტენციურ კლიენტებთან მუდმივი კონტაქტი, მათი საჭიროებების დადგენა და შესაბამისი საბანკო და არასაბანკო პროდუქტების შეთავაზება;
• ჯგუფის ფარგლებში ნებისმიერ პროდუქტთან დაკავშირებული მომსახურების კუთხით არსებული საკითხების ოპერატიული მოგვარება, საჭიროების მიხედვით კომპანიის გადამისამართება შესაბამის ბიზნეს სტრუქტურასთან.
• სეილს ნოტების მომზადება;
• მონაცემთა ბაზების განახლება;
• ანგარიშგების წარმოება უშუალო მენეჯერთან კომპანიის შესაბამისი სტანდარტების და პროცედურების მიხედვით.
სავალდებულო საკვალიფიკაციო მოთხოვნები
განათლება: უმაღლესი, ბაკალავრი - ფინანსები / ეკონომიკა / საბანკო საქმე / ბიზნესის ადმინისტრირება. განიხილებიან დამამთავრებელი კურსის სტუდენტებიც;
სამუშაო გამოცდილება: სასურველია, მაგრამ არა სავალდებულო მომსახურების და/ან გაყიდვების სფეროში მუშაობის გამოცდილება.
სავალდებულო ცოდნა და უნარები:
• კომპიუტერული საოფისე პროგრამების სრულყოფილი ცოდნა;
• სასურველია ინგლისური და რუსული ენების ცოდნა;
• ანალიტიკური აზროვნება;
• ეფექტური კომუნიკაცია;
• მომსახურების და გაყიდვების კარგად განვითარებული უნარები;
• შედეგებზე ორიენტირებულობა.
დაინტერესების შემთხვევაში გთხოვთ გამოგვიგზავნოთ CV ელექტრონული ფოსტის მისამართზე: cbvacancy@bog.ge 10 აპრილის ჩათვლით.