2015 წლის 2-8 აგვისტოს ტაილანდის სამეფოში გაიმართება „აზიის სამეცნიერო ბანაკი 2015“ , სადაც ლექციებს წაიკითხავენ ნობელის და ფილდსის პერემიების ლაურეატები და ცნობილი მეცნიერები ფიზიკაში, მათემატიკაში, ქიმიასა და ბიოლოგიაში (
http://asc2015.posn.or.th ).
ზუსტ და საბუნებისმეტყველო მეცნიერებათა ფაკულტეტი აცხადებს კონკურსს სტუდენტთა შესარჩევად „აზიის სამეცნიერო ბანაკი 2015“ მონაწილეობისათვის.
კონკურსში მონაწილეობა შეუძლიათ მათემატიკის, ფიზიკის, ქიმიისა და ბიოლოგიის საბაკალავრო პროგრამების სტუდენტებს.
კონკურსში მონაწილეობის მოთხოვნები:
- მაღალი აკადემიური მოსწრება;
- საბაკალავრო პროგრამაზე სწავლების პირველი ან მეორე წელი;
- ინგლისური ენის ცოდნა (კომუნიკაცია, წერა, კითხვა).
წარსადგენი დოკუმენტების სია:
- სამოტივაციო წერილი (ინგლისურ ენაზე);
- CV (ინგლისურ ენაზე);
- ცნობა სტუდენტის სტატუსის შესახებ სემესტრის და საბაკალავრო პროგრამის მითითებით;
- ამონაწერი სასწავლო ბარათიდან;
- პირადობის მოწმობის ასლი.
საბუთების წარდგენა: თსუ II კორპუსი, ოთახი # 108 , 20თებერვლიდან 25 თებერვლის ჩათვლით.
კანდიდატები გაივლიან გასაუბრებას ინგლისურ ენაზე.
დეკანის ბრძანება
