თსუ-ს ეკონომიკისა და ბიზნესის ფაკულტეტის სტუდენტური კვლევებსა და პროექტების ცენტრ „იდეა“-სთან 2003 წლიდან, საქართველოს კათოლიკოს-პატრიარქის ილია II-ის ლოცვა-კურთხევით, მოქმედებს ისრაელის ეკონომიკის შემსწავლელი ლაბორატორია. საქმიანობის გაღრმავება-გაფართოებისა და დასახული გეგმების განხორციელების მიზნით 2013 წლის 13 ნოემბერს, ოთხშაბათს, 15 საათზე შედგება შეხვედრა მაღლივი კორპუსის #1211 ოთახში. ვიწვევთ თსუ-ს ყველა დაინტერესებულ სტუდენტს (ბაკალავრიატი, მაგისტრატურა, დოქტორანტურა), მათ შორის ქართველ ებრაელებს. საკონტაქტო პირი - პროფ. გიორგი შიხაშვილი (მობ. 577 – 970277, giorgi.shikhashvili@tsu.ge)
ლექცია ნორჩ ეკონომისტთა სკოლაში, 2.11.13
თსუ-ს ეკონომიკისა და ბიზნესის ფაკულტეტის სტუდენტური კვლევებისა და პროექტების ცენტრმა „იდეა“-მ 2 ნოემბერს თსუ-ს საბავშვო უნივერსიტეტის ნორჩ ეკონომისტთა სკოლის მოსწავლეებისათვის ჩაატარა ლექცია თემაზე: „დროის მართვა“. ლექციას უძღვებოდნენ ცენტრის დირექტორი გიორგი შიხაშვილი და მისი ასისტენტები, ცენტრის წევრი სტუდენტები: ჯული ოქრომჭედლიშვილი, ლევან ტეფნაძე და შორენა გოგიძე.
![](/data/image_db_innova/faculty_econ/shixa1.2.jpg)
ლექცია-სემინარი მცხეთის მართლმადიდებლურ სკოლაში, 29.10.13
ანალოგიური ლექცია-სემინარი სტუდენტური კვლევებისა და პროექტების ცენტრმა „იდეა“-მ ჩაატარა 29 ოქტომბერს წმ. ათორმეტ მოციქულთა სახელობის მცხეთის მართლმადიდებლურ საშუალო სკოლაში. ლექცია-სემინარს უძღვებოდნენ ცენტრის დირექტორი გიორგი შიხაშვილი და მისი ასისტენტები, ცენტრის წევრი სტუდენტები: ნესტან აბრამიშვილი, ჯული ოქრომჭედლიშვილი, ნინო ხარისთვალაშვილი, ირაკლი სვანიძე. ღონისძიებაში მონაწილეობა მიიღეს: გაზეთ „თბილისის უნივერსიტეტი“-ს ჟურნალისტმა ნატო ობოლაძემ და ფოტორეპორტიორმა ანი ბოლქვაძემ და თსუ-ს საზოგადოებასთან ურთიერთობის სამსახურის უფროსმა სპეციალისტმა ქეთევან გაბოშვილმა. ლექციის შემდეგ, ღონისძიების მონაწილეებმა მოილოცეს სვეტიცხოვლის და სამთავროს ტაძრები და წმ. გაბრიელ ბერის საფლავი. დღის ბოლოს მოეწყო ერთობლივი ტრაპეზი.
![](/data/image_db_innova/faculty_econ/mcx2.jpg)
ლექცია-სემინარი გორის გიმნაზიაში, 22.10.13
ანალოგიური ლექცია-სემინარი ცენტრმა „იდეა“-მ ჩაატარა 22 ოქტომბერს, წმ. გიორგი მთაწმინდელის სახელობის გორის გიმნაზიაში უფროსკლასელთათვის ჩაატარა ლექცია-სემინარი თემაზე: „დროის მართვა“. ლექცია-სემინარს გაუძღვნენ ცენტრ „იდეა“-ს დირექტორი გიორგი შიხაშვილი და მისი ასისტენტები, ცენტრის წევრი სტუდენტები: ქეთი კორძაძე, თორნიკე ბერიძე, ლევან ტეფნაძე, შორენა გოგიძე. ღონისძიებაში მონაწილეობა მიიღეს: თსუ-ს რექტორის მრჩეველებმა ირაკლი მურცხვალაძემ და ვახტანგ ჭარაიამ, გაზეთ „თბილისის უნივერსიტეტი“-ს რედაქტორმა ნინო კაკულიამ და ჟურნალისტმა ნატო ობოლაძემ. ლექციის შემდეგ, გიმნაზიის დირექტორთან, მღვდელ ბორის ნიჩიპეროვიჩთან და მღვდელ ზაზა სოსიაშვილთან ერთად, ღონისძიების მონაწილეებმა მოილოცეს ატენის სიონის ტაძარი. დღის ბოლოს მოეწყო ერთობლივი ტრაპეზი.