ივანე ჯავახიშვილის სახელობის თბილისის სახელმწიფო უნივერსიტეტის სარგებლობაში არსებული შენობა-ნაგებობის (ფართის) იჯარის წესით გადაცემის, კონკურსის გამოცხადებისა და კონკურსში გამარჯვებულის გამოვლენისათვის საკონკურსო კომისიის შექმნის შესახებ

,,უმაღლესი განათლების შესახებ" საქართველოს კანონის 23–24 მუხლების, საქართველოს განათლებისა და მეცნიერების მინისტრის 2008 წლის 29 მაისის №490 ბრძანებით დამტკიცებული “საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების” 25-ე მუხლის 1-ლი პუნქტის “ზ” ქვეპუნქტის საფუძველზე, საქართველოს განათლებისა და მეცნიერების სამინისტროს 25.06.2010 წლის №24-09-5/10543 და საქართველოს ეკონომიკური განვითარების სამინისტროს 07.06.2010 წლის №16/2093/9-10 მოწერილობებიდან და წარმომადგენლობითი საბჭოს 24.05.2010 წლის №25 ოქმით მიღებული გადაწყვეტილებიდან გამომდინარე,

ვ ბ რ ძ ა ნ ე ბ:

გამოცხადდეს კონკურსი ქ. თბილისში, უნივერსიტეტის ქ. №13-ში (ბიოლოგების სასწავლო კორპუსი) მდებარე შენობა-ნაგებობაში არსებული ფართის იჯარის წესით გადაცემის თაობაზე, კვების ობიექტის მოწყობის მიზნით, დანართი №1-ით განსაზღვრული პირობების შესაბამისად.
კონკურსში გამარჯვებულის გამოვლენის მიზნით დამტკიცდეს კომისია შემდეგი შემადგენლობით:
ა) რომან ხარბედია – ადმინისტრაციის ხელმძღვანელის მოვალეობის შემსრულებელი – კომისიის თავმჯდომარე;
ბ) ნათელა ლაცაბიძე – პერსონალის მართვის დეპარტამენტის უფროსი;
გ) ლელა ბენიძე – იურიდიული დეპარტამენტის უფროსი;
დ) ირაკლი საღარეიშვილი – საფინანსო დეპარტამენტის უფროსი;
ე) დავით ჩერქეზიშვილი – მატერიალური რესურსების მართვის დეპარტამენტის უფროსი.

ორგანიზაციული საქმიანობის უზრუნველსაყოფად შეიქმნას საკონკურსო კომისიის აპარატი შემდეგი შემადგენლობით:
ა) ნინო კუტალაძე - იურიდიული დეპარტამენტის მთავარი სპეციალისტი;
ბ) რუსუდან სხირტლაძე – იურიდიული დეპარტამენტის მთავარი სპეციალისტი;

დაევალოს საკონკურსო კომისიის აპარატს ყველა საჭირო დოკუმენტაციის მომზადება და კომისიისათვის წარდგენა.
ბრძანება გამოქვეყნდეს გაზეთ „24 საათში“ და განთავსდეს უნივერსიტეტის ვებ-გვერდზე.
კონტროლს ბრძანების შესრულებაზე განვახორციელებ პირადად.

ადმინისტრაციის ხელმძღვანელის
მოვალეობის შემსრულებელი რომან ხარბედია

« უკან დაბრუნება