სსიპ – ივანე ჯავახიშვილის სახელობის თბილისის სახელმწიფო უნივერსიტეტის იურიდიულ და სოციალურ და პოლიტიკურ მეცნიერებათა ფაკულტეტებზე 2010-2011 სასწავლო წლის გაზაფხულის სემესტრში დოქტორანტურაში მიღების გამოცხადების შესახებ

1. გამოცხადდეს მიღება სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2010-2011 სასწავლო წლის გაზაფხულის სემესტრისათვის იურიდიულ და სოციალურ და პოლიტიკურ მეცნიერებათა ფაკულტეტების შემდეგ სადოქტორო პროგრამებზე:
   
   ა) სამართალმცოდნეობა;
   ბ) პოლიტიკური მეცნიერება;
   გ) სოციალური, პოლიტიკური და კულტურული ფსიქოლოგია;
   დ) შრომისა და ორგანიზაციის ფსიქოლოგია;
   ე) ორგანიზაციის განვითარება და კონსულტირება;
   ვ) კლინიკური ნეიროფსიქოლოგია;
   ზ) ფსიქოლოგიური ანთროპოლოგია.
   
   
2. განისაზღვროს სსიპ – ივანე ჯავახიშვილის სახელობის თბილისის სახელმწიფო უნივერსიტეტის იურიდიულ და სოციალურ და პოლიტიკურ მეცნიერებათა ფაკულტეტებზე 2010-2011 სასწავლო წლის გაზაფხულის სემესტრისათვის დოქტორანტურაში მიღების ვადები:
   
   ა) საბუთების მიღება – 14  - 21 აპრილი;
   ბ) გამოცდა უცხო ენაში – 26 აპრილი;
   გ) გამოცდის შედეგების გამოცხადება – 27 აპრილი;
   დ)გამოცდის შედეგების გასაჩივრება – 28 - 29 აპრილი;
   ე) აპელაციის შედეგების გამოცხადება – 2 მაისი
   ზ) დარგობრივ კომისიასთან გასაუბრება – 3 - 4 მაისი;
   თ) ჩარიცხვის ბრძანების პროექტის მომზადება -  6 მაისი.
   
   
3. ბრძანების უნივერსიტეტის ოფიციალურ ვებ–გვერდზე განთავსება დაევალოს უნივერსიტეტის საინფორმაციო ტექნოლოგიების მომსახურების ცენტრს.
   
4. დაევალოს კანცელარიას, ბრძანება განათავსოს ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებს.
   
5. ბრძანება ძალაშია საჯაროდ გამოცხადებისთანავე.