2008-07-03
ბრძანება №:0
ივანე ჯავახიშვილის სახელობის თბილისის სახელმწიფო უნივერსიტეტის რექტორის მოვალეობის შემსრულებლის 2005 წლის 22 ივლისის №129 ბრძანების "საბაკალავრო პროგრამების მომზადების ინსტრუქციის დამტკიცების შესახებ” ძალადაკარგულად გამოცხადებისა და ბაკალავრიატის საგანმანათლებლო პროგრამის ახალი ფორმატის დამტკიცების თაობაზე (ბრძანება №48/01-01)
ბრძანება # 48 / 01-01
03.07.2008 წ
ივანე ჯავახიშვილის სახელობის თბილისის სახელმწიფო უნივერსიტეტის რექტორის მოვალეობის შემსრულებლის 2005 წლის 22 ივლისის #129 ბრძანების "საბაკალავრო პროგრამების მომზადების ინსტრუქციის დამტკიცების შესახებ” ძალადაკარგულად გამოცხადებისა და ბაკალავრიატის საგანმანათლებლო პროგრამის ახალი ფორმატის დამტკიცების თაობაზე
"უმაღლესი განათლების შესახებ" საქართველოს კანონის 22-ე მუხლის, საქართველოს განათლებისა და მეცნიერების მინისტრის 2008 წლის 29 მაისის #490 ბრძანებით დამტკიცებული თსუ-ს წესდების მე-16 მუხლის მე-2 პუნქტის, საქართველოს ზოგადი ადმინისტრაციული კოდექსის 61-ე მუხლის შესაბამისად,
ვ ბ რ ძ ა ნ ე ბ:
- ძალადაკარგულად გამოცხადდეს თსუ-ს რექტორის მოვალეობის შემსრულებლის 2005 წლის 22 ივლისის #129 ბრძანება "საბაკალავრო პროგრამების მომზადების ინსტრუქციის დამტკიცების შესახებ”;
- ბაკალავრიატის საგანმანათლებლო პროგრამის საუნივერსიტეტო ფორმატი 2008-2009 სასწავლო წლიდან განისაზღვროს შემდეგი წესით: სტუდენტს, გარდა რეგულირებადი სპეციალობებისა, ბაკალავრის აკადემიური ხარისხის მისაღებად საჭირო კრედიტების შესრულება შეუძლია:
ა) ძირითადი სპეციალობის (major), დამატებითი სპეციალობის (minor) და თავისუფალი კრედიტების ერთობლიობით;
ბ) მხოლოდ ძირითადი სპეციალობისა (major) და თავისუფალი კრედიტების ერთობლიობით;
გ) საბაკალავრო პროგრამის ფორმატის დაგეგმვა სტუდენტის პრეროგატივაა და იგი თავისუფალია თავის არჩევანში;
დ) დამატებითი სპეციალობისა და თავისუფალი კრედიტების არჩევა დასაშვებია საბაკალავრო პროგრამებიდან როგორც ძირითადი ფაკულტეტის ფარგლებში, ასევე თსუ სხვა ფაკულტეტებზეც;
3. დაევალოს სასწავლო დეპარტამენტსა (თ. მარგალიტაძე) და ფაკულტეტების დეკანატებს უზრუნველყონ შეთავაზებული საგანმანათლებლო პროგრმების რეალიზებისათვის ხელშემწყობი სასწავლო ცხრილის დაგეგმვა;
4. კონტროლი ბრძანების შესრულებაზე დაევალოს სასწავლო დეპარტამენტს (თ. მარგალიტაძე);
5. ბრძანება ძალაშია ხელმოწერისთანავე.
რექტორი, პროფესორი
გ. ხუბუა