ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტისათვის ინგლისური ენის (ბიზნეს-ინგლისური) მასწავლებელთა შერჩევის შესახებ

1. ივანე ჯავახიშვილის სახელობის  თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე ინგლისური ენის (ბიზნეს-ინგლისური) სწავლების გაძლიერების მიზნით ჩატარდეს მასწავლებელთა შერჩევა;
2. შერჩევაში მონაწილეობის მიღება შეუძლიათ როგორც თსუ-ის ჰუმანიტარულ მეცნიერებათა  ფაკულტეტის ენების შემსწავლელ ცენტრში ამჟამად დასაქმებულ მასწავლებლებს, ასევე ყველა სხვა დაინტერესებულ პირს, ვინც აკმაყოფილებს შერჩევის შემდეგ კრიტერიუმებს:
   
   ა) შესაბამისი უმაღლესი განათლება (მაგისტრის ან მაგისტრთან გათანაბრებული _ ფილოლოგი-ანგლისტი ან ინგლისური ენის მასწავლებელი ან სერტიფიკატ "CELTA –ს" ან დიპლომი "DELTA-ს" მფლობელი);
   ბ) ინგლისური ენის სწავლების სულ მცირე სამწლიანი დოკუმენტურად დადასტურებული გამოცდილება;
   გ) გუნდური მუშაობისა და პროფესიული კომუნიკაციის უნარი;
   

3. შერჩევაში მონაწილეობის მსურველ აპლიკანტებს მოეთხოვებათ შემდეგი საბუთების წარმოდგენა:
   
    ა) განცხადება კომისიის სახელზე (თან ერთვის);
    ბ) ავტობიოგრაფია ქართულ და ინგლისურ ენებზე;
    გ) პირადობის მოწმობის ან პასპორტის სურათიანი გვერდის ასლი;
    დ) უმაღლესი განათლების დამადასტურებელი დოკუმენტის/დოკუმენტების   ასლი/ასლები; (მაგისტრის ან მაგისტრთან გათანაბრებული _ ფილოლოგი-ანგლისტის დიპლომი ან ინგლისური ენის  მასწავლებლის დიპლომი ან სერტიფიკატი "CELTA " ან დიპლომი "DELTA");
   ე) პიროვნული და პროფესიული კვალიფიკაციის ამსახველი ერთი სარეკომენდაციო წერილი ინგლისურ ენაზე რეკომენდატორის სრული საკონტაქტო ინფორმაციის მითითებით;
   ვ) პროფესიული განვითარების დამადასტურებელი სერტიფიკატების  ასლები;
   ზ) გაკვეთილის გეგმის ნიმუში და სილაბუსი.
   

4. შერჩევა იწარმოებს წერითი და/ან ზეპირი გასაუბრების საფუძველზე;
5. კომისიის მიერ შეჩეულ აპლიკანტს ევალება:
   
   ა) გაკვეთილის დაგეგმვა, მომზადება და ჩატარება (გაკვეთილის გეგმისა   და სილაბუსის წარმოდგენა წერილობით);
   ბ) შუალედური და საბოლოო საგამოცდო საკითხების მომზადება;
   გ) შუალედური და საბოლოო საგამოცდო ნაშრომების გასწორება;
   დ) პერიოდული წერილობითი ანგარიშების მომზადება;
   ე) შრომითი ხელშეკრულებით ან/და დამსაქმებლი  მიერ დასაბუთებული, სწავლებასთან დაკავშირებული სხვა საქმიანობის წარმოება
   

6. შრომის ანაზღაურება განისაზღვროს 18 ლარი ერთ აკადემიურ საათზე;
7. მასწავლებელთა მინიმალური კვირეული დატვირთვა განისაზღვროს 20 აკადემიური საათით; თითოეული მასწავლებლის კვირეული საათობრივი დატვირთვა განისაზღვროს ყოველი სემესტრის დაწყებამდე ეკონომიკისა და ბიზნესის ფაკულტეტის სემესტრული საჭიროების მიხედვით;
8. მასწავლებელთა შრომითი ხელშეკრულების ხანგრძლივობა განისაზღვროს     2 სემესტრით.
9. შეიქმნას კომისია თსუ ეკონომიკისა და ბიზნესის ფაკულტეტისათვის ინგლისური ენის  (ბიზნეს-ინგლისური) მასწავლებელთა შერჩევის მიზნით და დამტკიცდეს კომისიის მუშაობის წესი;
10. დაევალოს საბუთების მიღების პროცესის ორგანიზება ეკონომიკისა და ბიზნესის ფაკულტეტის დეკანის  მოადგილეს გიორგი ხიშტოვანს;
11. საბუთების  მიღება იწარმოებს 2010 წლის 30 ივლისიდან 2010 წლის 20 აგვისტოს    ჩათვლით  თსუ-ს მე–10 კორპუსში (უნივერსიტეტის ქ. 2), მე–2 სართული, ოთახი 204ა. ყოველდღე, შაბათ–კვირის გარდა 10-დან 17 საათამდე);
12. შერჩევა ჩატარდება  2010 წლის  25 აგვისტოდან 3 სექტემბრამდე;
13. ბრძანება განთავსდეს თსუ-ს ოფიციალურ ვებ-გვერდზე;
14. ინფორმაცია მასწავლებელთა შერჩევის შესახებ განთავსდეს www.jobs.ge-ზე;
15. ბრძანება ძალაშია ხელმოწერისთანავე.