ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტის უმაღლესი და პროფესიული განათლების დამადასტურებელი სახელმწიფო დოკუმენტის _ დიპლომის ფორმების ნიმუშების დამტკიცების შესახებ

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს განათლებისა და მეცნიერების მინისტრის 2011 წლის 28 დეკემბრის 208/ნ ბრძანებით დამტკიცებული არასამეწარმეო (არაკომერციული) იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-2 პუნქტის "ა", "ბ" "ს" და "ტ" ქვეპუნქტების, მე-3 პუნქტის, "ა(ა)იპ - ივანე ჯავახიშვილის სახელობის თბილისის სახელმწიფო უნივერსიტეტის რექტორის მოვალეობის შემსრულებლის დანიშვნის შესახებ" თსუ აკადემიური საბჭოს 2013 წლის 12 ივნისის №71/2013 დადგენილების პირველი პუნქტის, "სახელმწიფოს მიერ დაფუძნებული კერძო სამართლის არასამეწარმეო (არაკომერციული) იურიდიული პირების – უმაღლესი საგანმანათლებლო დაწესებულებების მიერ მცირე სახელმწიფო გერბის გამოყენების შესახებ" საქართველოს პრეზიდენტის 2012 წლის 22 თებერვლის №126 ბრძანებულების, "უმაღლესი და პროფესიული განათლების დამადასტურებელი სახელმწიფო დოკუმენტის _ დიპლომისა და პროფესიული დიპლომის ფორმების დამტკიცების შესახებ" საქართველოს განათლებისა და მეცნიერების მინისტრის 2011 წლის 22 ივლისის №126/ნ ბრძანების პირველი და მე-2 მუხლებით დამტკიცებული №1 და №2 დანართებისა და საქართველოს ფინანსთა მინისტრის 2005 წლის 2 აგვისტოს №669 ბრძანების საფუძველზე,

ვბრძანებ:

1.   დამტკიცდეს ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტის უმაღლესი და პროფესიული განათლების დამადასტურებელი სახელმწიფო დოკუმენტის _ დიპლომის ფორმების ნიმუშები წინამდებარე ბრძანებით დამტკიცებული დანართების შესაბამისად:

ა) პროფესიული დიპლომის ფორმა – (დანართი №1)
ბ) პროფესიული დიპლომის ფორმა წარჩინების – (დანართი №2)
გ) დიპლომირებული სპეციალისტის დიპლომის ფორმა – (დანართი №3)
დ) დიპლომირებული სპეციალისტის დიპლომის ფორმა წარჩინების –
    (დანართი №4)
ე) ბაკალავრის დიპლომის ფორმა – (დანართი №5)
ვ) ბაკალავრის დიპლომის ფორმა წარჩინების – (დანართი №6)
ზ) მაგისტრის დიპლომის ფორმა – (დანართი №7)
თ) მაგისტრის დიპლომის ფორმა წარჩინების – (დანართი №8)
ი) დიპლომირებული მედიკოსის დიპლომის ფორმა – (დანართი №9)
კ) დიპლომირებული მედიკოსის ფორმა წარჩინების – (დანართი №10)
ლ) დიპლომირებული სტომატოლოგის დიპლომის ფორმა – (დანართი №11)
მ) დიპლომირებული სტომატოლოგის დიპლომის ფორმა წარჩინების –
    (დანართი №12)
ნ) უმაღლესი განათლების დიპლომის ფორმა – (დანართი №13)
ო) უმაღლესი განათლების დიპლომის ფორმა წარჩინების –
    (დანართი №14)
პ) დოქტორის დიპლომის ფორმა – (დანართი №15)

2.   დამტკიცდეს ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტის მკაცრი აღრიცხვის ფორმის (დიპლომის) გამოყენებისა და აღრიცხვა-ანგარიშგების წესი, მკაცრი აღრიცხვის ფორმის ჩამოწერის აქტი, მკაცრი აღრიცხვის ფორმის რეგისტრაციის ჟურნალი და დიპლომების გაცემის რეგისტრაციის ჟურნალი წინამდებარე ბრძანების დანართების შესაბამისად;
3.   ძალადაკარგულად გამოცხადდეს უნივერსიტეტის რექტორის 2011 წლის 26 სექტემბრის №98/01-01 ბრძანება წინამდებარე ბრძანების ძალაში შესვლის დღიდან;
4.   ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის ინფორმაციული ტექნოლოგიების უზრუნველყოფისა და ოპერაციების მართვის დეპარტამენტს;
5.   ბრძანების ყველასათვის ხელმისაწვდომ ადგილზე განთავსების უზრუნველყოფა დაევალოს უნივერსიტეტის კანცელარიას;
6.   ბრძანება ძალაშია გამოცემისთანავე.

რექტორის მოვალეობის
შემსრულებელი                                   ალექსანდრე კვიტაშვილი

« უკან დაბრუნება