ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტში 2012-2013 სასწავლო წლის გაზაფხულის სემესტრში შიდა მობილობის ვადებისა და წარმოსადგენი დოკუმენტების ნუსხის განსაზღვრის შესახებ

1. განისაზღვროს 2012- 2013 სასწავლო წლის გაზაფხულის სემესტრის შიდა მობილობის ვადები ბაკალავრიატის/მაგისტრატურის საგანმანათლებლო პროგრამების სტუდენტებისთვის:
   ა) დოკუმენტების მიღება ფაკულტეტებზე - 20 - 25 თებერვალი;
   ბ) კრედიტების აღიარება – 26 - 27 თებერვალი;
   გ) სტუდენტებისათვის აღიარებული კრედიტების გაცნობა და ხელშეკრულების გაფორმება - 28 თებერვალი;
   დ) გადაყვანის შესახებ ბრძანების პროექტის მომზადება – 1 მარტი.
   
2. განისაზღვროს წარმოსადგენი დოკუმენტაციის ნუსხა:
   ა) განცხადება;
   ბ) ამონაწერი სტუდენტის სასწავლო ბარათიდან (დამოწმებული ფაკულტეტის ბეჭდით და დეკანის ხელმოწერით);
   გ) ცნობა სტუდენტის სტატუსის შესახებ;
   დ) პირადობის მოწმობის ასლი;
   ე) გამოცდების ეროვნული ცენტრის მიერ გაცემული სერტიფიკატის ასლი (ასეთის არსებობის შემთხვევაში).
   
3. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის ინფორმაციული ტექნოლოგიების უზრუნველყოფის და ოპერაციების მართვის დეპარტამენტს.
   
4. ბრძანების ყველასათვის ხელმისაწვდომ ადგილზე განთავსების და შესაბამისი სტრუქტურული ერთეულებისათვის გადაცემის უზრუნველყოფა დაევალოს უნივერსიტეტის კანცელარიას.
   
5. ბრძანება ძალაშია გამოცემისთანავე.