მედიალაბორატორია

თბილისის ამერიკული კუთხე ჟურნალისტიკის მიმართულების საბაკალავრო, სამაგისტრო და სადოქტორო პროგრამის სტუდენტებისთვის, დამწყები ჟურნალისტებისა და ჟურნალისტიკის სფეროთი დაინტერესებული მოქალაქეებისთვის აცხადებს მიღებას პროექტში - "მედიალაბორატორია".

პროექტი მოიცავს ისეთი თემების შესწავლას, როგორიცაა ყალბი ინფორმაციის გარჩევის გზები, სამართლიანობისა და ობიექტურობის დაცვის მნიშვნელობა ახალი ამბების გადმოცემისას, ინტერნეტის გლობალური ფენომენის როლი თანამედროვე საზოგადოებაში, მედიაწიგნიერების როლი და მედია-იარაღების გამოყენება მიმზიდველი მასალის შექმნისთვის, მედიაეთიკის მნიშვნელობა და დისკრიმინაციული მასალის გამოყენების თავიდან აცილების გზები ახალი ამბების შექმნისთვის, სიძულვილის ენის მახასიათებლები და მისი გარჩევა ახალი ამბების გადმოცემისას.

შეხვედრა ჩატარდება კვირაში ერთხელ, 2 სათის განმავლობაში. შეხვედრის დღეა ორშაბათი. შეხვედრა დაიწყება 18:00 საათზე. შემოთავაზებული პროექტი გრძელდება 4 თვის განმავლობაში. შეხვედრების სამუშაო ენაა ქართული და ინგლისური.

პროექტი ხორციელდება საქართველოში აშშ-ის საელჩოს დაფინანსებით.

რეგისტრაცია დასრულდება 2018 წლის 2 ნოემბერს. დამატებითი ინფორმაცია და სარეგისტრაციო ფორმა იხილეთ ბმულზე.