2017-11-17
არტ-ნამუშევრების კონკურსი
ქალთა მიმართ ძალადობის წინააღმდეგ ბრძოლის საერთაშორისო დღესთან დაკავშირებით, საქართველოს პროკურატურის ორგანიზებით 2017 წლის
27 ნოემბრიდან 2 დეკემბრის ჩათვლით გაიმართება „დაზარალებულთა კვირეული“.
კვირეულის ფარგლებში, საქართველოს პროკურატურა აცხადებს არტ-ნამუშევრების (ფოტოსურათი, ნახატი, ქანდაკება და სხვა) კონკურსს, რომელიც ჩატარდება ნოემბრის ბოლო კვირას.
დაზარალებულთა კვირეულის მხარდამჭერია ამერიკის შეერთებული შტატების საელჩო.
კონკურსისთვის მომზადებული ნამუშევარი უნდა შეიცავდეს მესიჯს ოჯახური ძალადობის წინააღმდეგ (მესიჯი შესაძლოა შეეხებოდეს ნებისმიერ პრობლემას, რომელიც დაკავშირებულია ოჯახურ ძალადობასთან).
ფოტოსურათი და ნახატი შესრულებული უნდა იყოს A3 ფორმატზე. იგი შესაძლოა მომზადებული იყოს როგორც ხელით, ასევე კომპიუტერული პროგრამის გამოყენებით.
ნამუშევარი წარმოდგენილი უნდა იქნას
2017 წლის 28 ნოემბრამდე შემდეგ მისამართზე: თბილისი, გორგასლის 24 (საქართველოს მთავარი პროკურატურა).
კონკურსისთვის წარმოდგენილი ნამუშევრების გამოფენა მოეწყობა
2 დეკემბერს თბილისი მოლში. ამავე დღეს გაიმართება პირველ სამ ადგილზე გასულ კანდიდატთა დაჯილდოება, რომლებსაც გადაეცემათ ფასიანი საჩუქრები.
დამატებითი შეკითხვების არსებობის შემთხვევაში, დაუკავშირდით საქართველოს მთავარი პროკურატურის თანამშრომელს სალომე დოლიძეს - sdolidze@pog.gov.ge, ტელ.: 598 743 288.
« იხ. ყველა სიახლე