საერთაშორისო კონფერენცია „სისხლისსამართლებრივი სანქციები და სასჯელის შეფარდება“

ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტისა და საერთაშორისო სამართლებრივი თანამშრომლობის გერმანული ფონდის (IRZ) ორგანიზებით, ტარდება ორდღიანი საერთაშორისო კონფერენცია „სისხლისსამართლებრივი სანქციები და სასჯელის შეფარდება“.

კონფერენცია გაიხსნება 2017 წლის 12 მაისს, 10:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის პირველ კორპუსში, 115-ე აუდიტორიაში.