2012-2013 სასწავლო წლის შემოდგომის სემესტრის მობილობა

სტუდენტები, რომლებმაც სსიპ – განათლების ხარისხის განვითარების ეროვნული ცენტრის ელექტრონული პორტალის საშუალებით (www.eqe.ge) მიიღეს ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტში გადმოსვლის უფლება, მომართავენ უნივერსიტეტს რექტორის ბრძანებით დადგენილ ვადებში (ბრძ: №87/01-01, 16.07.2012):


პროცედურული ვადები:

• დოკუმენტაციის მიღება - 29 აგვისტო– 5 სექტემბერი
• უნივერსიტეტში გადმოსვლის მსურველ სტუდენტთა კრედიტების  აღიარება -  3 – 5 სექტემბერი
• სტუდენტთათვის აღიარებული კრედიტების გაცნობა და ხელშეკრულების გაფორმება - 6 სექტემბერი
• ჩასარიცხ პირთა შესახებ ბრძანების პროექტის მომზადება და წარდგენა სსიპ - განათლების ხარისხის განვითარების ეროვნულ ცენტრში - 7 სექტემბერი

საგამოცდო ვადები:

• დოქტორანტურაში უცხო ენის გამოცდა – 3 სექტემბერი, 11 საათი (თსუ ბიბლიოთეკის შენობა: ქ. თბილისი, უნივერსიტეტის ქ. № 11)
• შედეგების გამოცხადება – 3 სექტემბერი, 18 საათი;
• აპელაციაზე განცხადების მიღება - 4 სექტემბერი;
• აპელაციის განცხადებების განხილვა და შედეგების გამოცხადება -  5 სექტემბერი (10 საათი);
• დოქტორანტურაში გასაუბრება სპეციალობაში  - 5 სექტემბერი (15 საათი).

ვაკანტური ადგილები:

ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტში 2012–2013 სასწავლო წლის შემოდგომის სემესტრში მობილობისათვის ვაკანტური ადგილების განსაზღვრის შესახებ თსუ-ს რექტორის ბრძანება -  №:88/01-01,16.07.2012; ბრძანება - №:1098/01-04, 23.07.2012


მობილობის პროცესში სტუდენტის კრედიტების აღიარება ხდება ა(ა)იპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2010 წლის 25 ივნისის “ივანე ჯავახიშვილის სახელობის თბილისის სახელმწიფო უნივერსიტეტში სტუდენტთა მობილობის ფარგლებში გადმოსულ და აღდგენილ სტუდენტთა კრედიტების აღიარების წესის” დამტკიცების შესახებ №74/2012 დადგენილების შესაბამისად.


მობილობაში მონაწილეობის მსურველი პირის ჩარიცხვის ბრძანების პროექტში მოხვედრის წინაპირობაა აღიარებული კრედიტების გაცნობის შემდეგ უნივერსიტეტთან  ხელშეკრულების გაფორმება – 2012  წლის  6 სექტემბერს.

მობილობაში მონაწილეობის მსურველი პირის მიერ წარმოსადგენი საბუთების ნუსხა:

მობილობის პროცესში მონაწილე სტუდენტი ვალდებულია დადგენილ ვადებში შესაბამის ფაკულტეტზე (საკონტაქტო ინფორმაცია) წარადგინოს უმაღლესი საგანმანათლებლო დაწესებულების მიერ სათანადო წესით დამოწმებული შემდეგი დოკუმენტები :

ა) განცხადება;
ბ) სრული ზოგადი/უმაღლესი განათლების დამადასტურებელი დოკუმენტის ასლი;
ბ) პირადობის დამადასტურებელი მოწმობის ასლი;
გ) გამოცდების ეროვნული ცენტრის მიერ გაცემული სერტიფიკატის ასლი (ასეთის არსებობის შემთხვევაში);
დ) სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);
ე) სტუდენტის სტატუსის განმსაზღვრელი ყველა სამართლებრივი აქტი;
ვ)  სტუდენტის სასწავლო ბარათი;
ზ) უცხო ქვეყანაში მიღებული განათლების აღიარების დამადასტურებელი  დოკუმენტის ასლი (ასეთის არსებობის შემთხვევაში).
თ)ფოტოსურათის (3x4) ელექტრონული ვერსია CD-ზე.
ი) სადოქტორო პროგრამის ხელმძღვანელის თანხმობა.
კ) სავარაუდო სამეცნიერო ხელმძღვანელის თანხმობა (მხოლოდ დოქტორანტებისთვის).
ლ)განმცხადებლის ავტობიოგრაფია (CV) (მხოლოდ დოქტორანტებისთვის).



სტუდენტი ვალდებულია ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტში ჩარიცხვის შემდეგ  წარმოადგინოს პირად საქმეში არსებული დოკუმენტები (დედნის სახით).