სამაგისტრო სტიპენდიები საფრანგეთში

ცხადდება მიღება საფრანგეთის მთავრობის სამაგისტრო სტიპენდიებზე 2019-2020 სასწავლო წლისათვის. "სამაგისტრო სტიპენდიები საფრანგეთში 2019-2020" გახლავთ ერთობლივი სასტიპენდიო პროგრამა, რომელიც ხორციელდება საფრანგეთის მთავრობისა და განათლების საერთაშორისო ცენტრს შორის 2015 წლის პირველ დეკემბერს გაფორმებული თანამშრომლობის მემორანდუმის საფუძველზე, საფრანგეთის მთავრობის, კამპუს ფრანსისა და განათლების საერთაშორისო ცენტრის მიერ.

"სამაგისტრო სტიპენდიები 2019-2020" ქართველ სტუდენტებსა და კურსდამთავრებულებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ, ან ინგლისურენოვან პროგრამებზე).

პროგრამის დასრულების შემდგომ დიპლომირებული მოქალაქეები დაბრუნდებიან საქართველოში და იმუშავებენ საქართველოში სამი წლის განმავლობაში.

პროგრამით მხარდაჭერილი პრიორიტეტული მიმართულებები გახლავთ:
·სოფლის მეურნეობა
·განათლება
·ინჟინერია
·ზუსტი და საბუნებისმეტყველო მეცნიერებები
·სოციალური მეცნიერებები
·ჰუმანიტარული მეცნიერებები
·სამართალი
·არქიტექტურა
·საჯარო მართვა
·მენეჯმენტი

იმისათვის, რომ შეძლოთ განაცხადის გაკეთება:
·უნდა იყოთ დაინტერესებული სამაგისტრო პროგრამაზე სწავლის გაგრძელებით
·უნდა ფლობდეთ ბაკალავრის ხარისხს, ან იმყოფებოდეთ დამამთავრებელ კურსზე
·უნდა იყოთ მაქსიმუმ 30 წლის ასაკის
·უნდა ფლობდეთ ფრანგულ ან ინგლისურ ენას

კანდიდატებს განაცხადის გაკეთება შეუძლიათ 2019 წლის 28 იანვრიდან - 28 თებერვლის ჩათვლით ელექტრონული სისტემის მეშვეობით. 

დეტალური ინფორმაციისათვის ეწვიეთ განათლების საერთაშორისო ცენტრის ვებგვერდს.

https://institutfrancais.ge/ka/about-us/events/samagistro-stipendiebi-safrangetshi-kandidaturebis-migeba-dawyebulia/?fbclid=IwAR3pp_drC2fZ0DNJADMWJtVriqYvC3Vj2M5oanCE2K2QqADcFodV0Hj07TI

https://institutfrancais.ge/fr/about-us/events/bourses-de-master-appel-candidature-/