2020-03-05
კონკურსი თსუ აკადემიური პერსონალისთვის ერაზმუს+ პროგრამის სტიპენდიების მოსაპოვებლად გისენის უნივერსიტეტში (გერმანია)
ცხადდება კონკურსი
თსუ აკადემიური პერსონალისთვის ევროკომისიის მიერ დაფინანსებული ერაზმუს+ პროგრამის სტიპენდიების მოსაპოვებლად
გისენის უნივერსიტეტში (გერმანია)!
კონკურსში მონაწილეობის მიღება შეუძლიათ თბილისის სახელწიფო უნივერსიტეტის აკადემიურ პერსონალს (ასისტენტი, ასისტენტ პროფესორი, ასოცირებული პროფესორი და პროფესორი).
მიმართულებები: იურიდიული, ეკონომიკა და ბიზნესი, კულტურული კვლევები, ფსიქოლოგია, ისტორია, ლიტერატურა, ენები, ბიოლოგია, ქიმია, მედიცინა, სოციალური და პოლიტიკური მეცნიერებები, განათლების მეცნიერება.
სტიპენდიატთა შესარჩევი პროცესი:
დოკუმენტაციის შემოწმება (თბილისის სახელმწიფო უნივერსიტეტი)
გასაუბრება კომისიასთან (თბილისის სახელმწიფო უნივერსიტეტი)
საბოლოო შერჩევა/სტიპენდიის მინიჭება (მასპინძელი უნივერსიტეტი)
დაინტერესებულმა პირებმა სააპლიკაციო დოკუმენტაციის სრული ჩამონათვალი უნდა გადმოგზავნონ
ა/წ 23 მარტის 12:00 საათამდე შემდეგ ელექტრონულ მისამართზე:
outgoingmobility@tsu.ge!
სააპლიკაციო დოკუმენტაციის ჩამონათვალი:
პასპორტის ასლი
ცნობა სამსახურიდან (ინგლისურ ენაზე)
CV-ს ევროპული ფორმატი (ინგლისურ ენაზე)
მოტივაციის წერილი (ინგლისურ ან გერმანულ ენაზე, არაუმეტეს ერთი გვერდისა)
უცხო ენის ცოდნის დამადასტურებელი დოკუმენტი
ფაკულტეტის დეკანის სარეკომენდაციო წერილი (ინგლისურ ან გერმანულ ენაზე; ხელმოწერითა და ბეჭდით დამოწმებული)
დაინტერესების წერილი (Letter of Interest) მასპინძელი უნივერსიტეტიდან (ოფიციალური წერილი სავალდებულო არ არის, საკმარისია მეილით მიღებული თანხმობა/დაინტერესება მასპინძელი უნივერსიტეტიდან. წერილის მოსაპოვებლად CV და სამუშაო გეგმის მოკლე მონახაზი გადაუგზავნეთ გისენის უნივერსიტეტის თქვენი მიმართულების პროფესორს.
შევსებული სამუშაო გეგმა (ინგლისურ ენაზე; მინიმუმ 8 - საათიანი სალექციო დატვირთვა; ერაზმუს პლიუსის ინსტიტუციონალური კოორდინატორის, თეა გერგედავას ხელმოწერით და ბეჭდით დამოწმებული)
დანართი 1.
სტიპენდია მოიცავს:
დღიური სტიპენდია, ორმხრივი საერთაშორისო მგზავრობის დაფინანსება.
(გაითვალისწინეთ, სამგზავრო დღეებიდან მხოლოდ 1 ანაზღაურდება)
სტიპენდიის ხანგრძლივობა:
5 სამუშაო დღე (მობილობა უნდა განხორციელდეს 2020 წლის 31 ივლისის ჩათვლით)
დამატებითი ინფორმაცია:
დაგვიანებული განცხადებები არ მიიღება!
დამატებითი კითხვების არსებობის შემთხვევაში დაუკავშირდით საგარეო ურთიერთობათა დეპარტამენტს შემდეგი ელ-ფოსტის საშუალებით:
outgoingmobility@tsu.ge;
გასაუბრებების თარიღი და დრო ინდივიდუალურად გაეგზავნება ყველა აპლიკანტს განაცხადში მითითებული ელ-ფოსტის საშუალებით.
« იხ. ყველა სიახლე