2015-04-07
თანამშრომლობის მემორანდუმი თსუ-სა და საქპატენტს შორის
ივანე ჯავახიშვილის სახელობის თბილისის სახელმწიფო უნივერსიტეტსა და საქართველოს ინტელექტუალური საკუთრების ეროვნულ ცენტრს (საქპატენტი) შორის თანამშრომლობის მემორანდუმი გაფორმდა. მემორანდუმს ხელი თსუ რექტორმა, აკადემიკოსმა ვლადიმერ პაპავამ და საქპატენტის თავმჯდომარემ ნიკოლოზ გოგილიძემ მოაწერეს.
თსუ რექტორის ვლადიმერ პაპავას განცხადებით, „უნივერსიტეტისა და საქპატენტის ურთიერთობა ლოგიკურ დასასრულამდე მივიდა. ამ მემორანდუმით ჩვენ ვაფართოებთ თანამშრომლობას, რომელიც ორმხრივ სასარგებლო იქნება.“
„მემორანდუმი ორმხრივ სასარგებლოა. საქპატენტის პოტენციალი დაეხმარება უნივერსიტეტს სამეცნიერო კვლევის ნაწილში. თავის მხრივ, საქპატენტისთვის აუცილებელია პროფესიონალი კადრები ინტელექტუალური საკუთრების დაცვის სფეროში. ამ კადრების საუკეთესო სამჭედლოა უნივერსიტეტი. ჩვენი თანამშრომლობა იქნება ამ დარგის განვითარების საუკეთესო საშუალება,“- აღნიშნა საქპატენტის თავმჯდომარემ ნიკოლოზ გოგილიძემ.
მემორანდუმის მიზანია, ინტელექტუალური საკუთრების დაცვის და ეფექტური მართვის, ინოვაციური საქმიანობის წახალისებისა და განვითარებისათვის მიმართული ერთობლივი პროგრამების დაგეგმვა და განხორციელება. მიზნებიდან გამომდინარე მხარეები ითვალისწინებენ ტექნოლოგიებისა და ინოვაციიების უდიდეს გავლენას ქვეყნების კონკურენტუნარიანობის ზრდასა და განვითარებაზე, უნივერსიტეტების მზარდ როლს ახალი ტექნოლოგიების შექმნაში, დანერგვასა და ინოვაციური Start-Up კომპანიების შექმნაში.
მხარეები თანხმდებიან მოამზადონ და სამოქმედოდ მიიღონ სამართლებრივი ბაზა უნივერსიტეტებში გამომგონებლობითი საქმიანობის წახალისებისა და მისი შედეგების კომერციალიზაციის ხელშეწყობის მიზნით; გაუწიონ დახმარება უნივერსიტეტის სამეცნიერო-კვლევით სტრუქტურულ ერთეულებს და ლაბორატორიებს საპატენტო-საინფორმაციო კვლევების ჩატარებასა და ამ კვლევების მეთოდიკების ათვისებაში; საჭიროების შემთხვევაში მოამზადონ წინადადებები უნივერსიტეტის შესაბამის საგანმანათლებლო პროგრამაში/პროგრამებში ინტელექტუალური საკუთრების დაცვის არჩევითი სასწავლო კურსის გათვალისწინების თაობაზე;
თსუ და საქპატენტი ვალდებულებას იღებენ მოაწყონ ერთობლივი სემინარები, კონფერენციები, სიმპოზიუმები ინოვაციური განვითარებისა და ინტელექტუალური საკუთრების დაცვის პრობლემატიკასთან დაკავშირებით; შეიმუშაონ და განხორციელონ ღონისძიებები უნივერსიტეტში ტექნოლოგიების გადაცემის ცენტრის შექმნის თაობაზე; უნივერსიტეტის სტუდენტებისა და კურსდამთავრებულებისაგან შეარჩიონ ათკაციანი ჯგუფი მაღალპროფესიონალი საპატენტო ექსპერტების მომზადების მიზნით; განახორციელონ ერთობლივი სამეცნიერო და სხვა სახის პუბლიკაციების გამოცემა საზოგადოებრივი ცნობიერების ამაღლების მიზნით.
თსუ რექტორის ვლადიმერ პაპავას განცხადებით, „უნივერსიტეტისა და საქპატენტის ურთიერთობა ლოგიკურ დასასრულამდე მივიდა. ამ მემორანდუმით ჩვენ ვაფართოებთ თანამშრომლობას, რომელიც ორმხრივ სასარგებლო იქნება.“
„მემორანდუმი ორმხრივ სასარგებლოა. საქპატენტის პოტენციალი დაეხმარება უნივერსიტეტს სამეცნიერო კვლევის ნაწილში. თავის მხრივ, საქპატენტისთვის აუცილებელია პროფესიონალი კადრები ინტელექტუალური საკუთრების დაცვის სფეროში. ამ კადრების საუკეთესო სამჭედლოა უნივერსიტეტი. ჩვენი თანამშრომლობა იქნება ამ დარგის განვითარების საუკეთესო საშუალება,“- აღნიშნა საქპატენტის თავმჯდომარემ ნიკოლოზ გოგილიძემ.
მემორანდუმის მიზანია, ინტელექტუალური საკუთრების დაცვის და ეფექტური მართვის, ინოვაციური საქმიანობის წახალისებისა და განვითარებისათვის მიმართული ერთობლივი პროგრამების დაგეგმვა და განხორციელება. მიზნებიდან გამომდინარე მხარეები ითვალისწინებენ ტექნოლოგიებისა და ინოვაციიების უდიდეს გავლენას ქვეყნების კონკურენტუნარიანობის ზრდასა და განვითარებაზე, უნივერსიტეტების მზარდ როლს ახალი ტექნოლოგიების შექმნაში, დანერგვასა და ინოვაციური Start-Up კომპანიების შექმნაში.
მხარეები თანხმდებიან მოამზადონ და სამოქმედოდ მიიღონ სამართლებრივი ბაზა უნივერსიტეტებში გამომგონებლობითი საქმიანობის წახალისებისა და მისი შედეგების კომერციალიზაციის ხელშეწყობის მიზნით; გაუწიონ დახმარება უნივერსიტეტის სამეცნიერო-კვლევით სტრუქტურულ ერთეულებს და ლაბორატორიებს საპატენტო-საინფორმაციო კვლევების ჩატარებასა და ამ კვლევების მეთოდიკების ათვისებაში; საჭიროების შემთხვევაში მოამზადონ წინადადებები უნივერსიტეტის შესაბამის საგანმანათლებლო პროგრამაში/პროგრამებში ინტელექტუალური საკუთრების დაცვის არჩევითი სასწავლო კურსის გათვალისწინების თაობაზე;
თსუ და საქპატენტი ვალდებულებას იღებენ მოაწყონ ერთობლივი სემინარები, კონფერენციები, სიმპოზიუმები ინოვაციური განვითარებისა და ინტელექტუალური საკუთრების დაცვის პრობლემატიკასთან დაკავშირებით; შეიმუშაონ და განხორციელონ ღონისძიებები უნივერსიტეტში ტექნოლოგიების გადაცემის ცენტრის შექმნის თაობაზე; უნივერსიტეტის სტუდენტებისა და კურსდამთავრებულებისაგან შეარჩიონ ათკაციანი ჯგუფი მაღალპროფესიონალი საპატენტო ექსპერტების მომზადების მიზნით; განახორციელონ ერთობლივი სამეცნიერო და სხვა სახის პუბლიკაციების გამოცემა საზოგადოებრივი ცნობიერების ამაღლების მიზნით.
« იხ. ყველა სიახლე