2011-05-10
თანამშრომლობის მემორანდუმი იაპონიის რიკენ ომიკსის სამეცნიერო ცენტრთან
![](/data/image_db_innova/PR/IMG_7722.jpg)
„მემორანდუმის მიზანია ერთობლივი გრძელვადიანი კვლევითი თანამშრომლობა, რომელიც მეცნიერთა შორის აქტიური კონტაქტების დამყარებას, სამეცნიერო და ტექნოლოგიური ინფორმაციის გაცვლას, ერთობლივი ლექციებისა და სიმპოზიუმების გამართვას გულისხმობს“, – აღნიშნა თსუ–ის რექტორმა ალექსანდრე კვიტაშვილმა.
ხელშეკრულებით გათვალისწინებულ ძირითად საკითხებს გენეტიკა და გენომიკსი, მოლეკულური დიაგნოსტირების განვითარება და მათი პოტენციური გამოყენება წარმოადგენს. რიკენ ომიკსი ერთ–ერთი წამყვანი სამეცნიერო–კვლევითი ცენტრია იაპონიაში. ცენტრის ძირითად საქმიანობას გენომის, კერძოდ ცოცხალ ორგანიზმებში მოლეკულების ყოველმხრივ შესწავლასა და კვლევას წარმოადგენს. გენომების სრულმა თანმიმდევრობამ (გენების სრული კომპლექტი ორგანიზმში) შესაძლებელი გახადა სხვადასხვა ტიპის მოლეკულური მონაცემების ანალიზი. ომიკსის ცენტრის ფუნდამენტური კვლევების მიზანია დააკავშიროს აღნიშნული მოლეკულური მონაცემების ქსელი, რათა მოლეკულურ დონეზე ბიოლოგიური მოვლენების გაგება გაუმჯობესდეს.
![](/data/image_db_innova/PR/IMG_7735.jpg)
« იხ. ყველა სიახლე